الطريقه الصحيحه لرفع الهايلوكس2006 وما فوق الدبل والعادي

بسم الله الرحمن الرحيم

مساكم الله بالخير جميعا كلنا يعرف مدى رغبة الشباب في رفع مواترهم ومثل ماتعرفون تعددة الطرق ومنها:
1-الكعكات وهي طريقه غير مضمونه ولها مضار
2- اليايات وهي طريقه مفيده بس ماتنفع الا للهايلوكسات العاديه ويقال انها استراليه رغم اكثر من واحد اكد انها غير استراليه وانها ماتستمر على رفعة الموتر .

هاذي اكثر طر قتين معروفه للجميع المهم رحت ادور ورا ها الطرقتين لقيت الكعكات غير مفيده واليايات غير مفيده لموتر الهلي 2006 4*4

توكلت على الله ومن محل لمحل المهم وبعدطول لف ودوران واراء من هنا وهنالك وكلن يعطيني راي تعبت بصراحه من كثر المشاوير قلت ليش مااروح للوكاله واسئل يمكن القى جواب ويوم رحت للوكاله دخلت جوا ولقيت احد العمال ودقيت معه سوليف عن رفع المواتر الرجال عطاني تلميح بسيط وهو ان الهايلوكس والبرادو والفوتشنير قريبين من بعض في التعليق والمكاين من هنا بديت ادور عن حل لمشكلة رفع الهايلوكس الجديده رحت لم محل الرمايه وسئلت عند يايات لرفع الهايلوكس طبعا قالوا لا طبعا لن ما فيه الا ابو هنود هناك ومسوي نفسه فاهم وهو من جنبها وبعد اخذ وعطى معه في الكلام تحديته وهم وكلاء شركة استراليه معروفه وخبري الاسترالين مهبل المهم قلت اروح للورشه حقتهم الي في اخر شارع التخصصي في محطةميد لقيت ابو فلبن وعنده ناس ومشغول سئلته اذا فيه يايات ترفع الهايلوكس قال ابو الشباب لا المهم قلته طيب البرادو له شي ولا الفونتشر قال فيه قلت له اسمع انا بجيك بكره لنك مشغول وقلت ابغى اجرب حقت البرادو على موتري قال ما يصير قلت ما عليك المهم جيته العصر وقمنا ناخذ مقاييس اليايات حقت الوكالة ونقارن مع حقت البرادو الي عنده والنتيجه طلعت طبق الاصل في حجم اليايات الا ان عدد لفات اليايات الاستراليه اطول من الوكاله المهم قال وش رايك قلت هاذي خمس ميه ورلاكب ولو ما طبقت الا حقها عندك قال سم المهم طعلت الاستراليه تطبق على محل حقت الوكاله ميه بالميه بدون ترهيم قاعده ولا شيء المهم النتيجه كالتالي:
1- ركبن الاستراليات بدون اي معانات او اي ترهيم.
2- رفعت الموتر بمقدار 4سم بحيث ان الوجه صار اقل من الورا بحوالي 3سم وهذ شي ممتاز.
3- مطب السياره طلع اخف من حقات الوكاله.
4- شكل الموتر طلع مضبوط.

المهم ان التيجة طلعت مضبوطه ومانحتاج لأشي لرفع الموتر سوى اليايات الاستراليه الاصليه مو يلعبون علينا حقين محلا ت الزينه وغير من الورش وهذا رقم الموديل للأخوان الي يبونه(ome883) هاذا لأخوننا حقين الهايلوكسات 4*4 طبعا مانسيت اخواننا حقين الهايلوكسات الاعاديه فرقم الموديل(ome882)

معليش اعذروني على الاطاله عليكم والبثاره بس احبيت اوضح لكم شي اكثر الشباب يسئلون عنه واتنمى اني افدتكم واعذرونا على القصور [/size]